TEHRAN, Iran - An kawo karshen ayyukan ceto a Iran bayan wasu girgizar kasa guda biyu da suka hallaka akalla mutane 250, kamar yadda kamfanin dillancin labarai na Fars ya ruwaito jiya Lahadi.
Rahoton ya kara da cewa, wasu mutane 1,800 sun jikkata sakamakon girgizar kasar da ta afku a gabashin lardin Azarbaijan da ke arewa maso yammacin kasar Iran a ranar Asabar din da ta gabata, in ji mataimakin ministan harkokin cikin gidan kasar Hassan Qaddami.
Tashar talabijin ta Presstv a nan kasar ta bayyana cewa sama da mutane 2,000 ne suka jikkata, yayin da kamfanin dillancin labarai na Jamhuriyar Musulunci ta Iran ya ce adadin wadanda suka mutu zai kai 300.
Mutane 250 ne suka mutu sakamakon girgizar kasar da ta afku a arewa maso yammacin kasar Iran
An lalata kauyuka da dama sakamakon girgizar kasar.
Qaddami, da yake magana da Fars, ya ce adadin kauyuka 110 ne suka lalace.
