Jirgin fasinja na Saurya Airlines ya yi hatsari inda nan take ya kama da wuta.
A cikin jirgin akwai injiniyoyi 17 da ma'aikatan jirgin 2 wadanda dukkansu 'yan kasar Nepal ne in banda injiniya daya daga kasar Yemen.
An dauki jirgin ne domin gudanar da aikin gyaran da za a yi a sabon filin jirgin sama na Pokhara da aka bude a farkon wannan shekarar.
A cikin wata sanarwa da hukumar kula da zirga-zirgar jiragen sama ta kasar Nepal ta fitar, an tabbatar da cewa:
"Bayan tashinsa ba da jimawa ba ... jirgin ya tashi zuwa dama kuma ya fadi a gefen gabashin titin."
An ga jirgin yana tashi sama da titin saukar jiragen a lokacin da ya karkata zuwa dama kafin ya fadi.
A cewar mai magana da yawun tashar jirgin saman Tribhuvan da ke Kathmandu, Kyaftin din shi kadai ne ya tsira kuma yana jinya a wani asibiti da ke kusa.
