Shugaban Amurka Donald Trump ya wallafa a shafinsa na Twitter a yau cewa, ya umarci sojojin ruwan Amurka da su lalata duk wani jirgin ruwan Iran da ke addabar jiragen yakin Amurka a tekun Fasha.
"Na umurci sojojin ruwan Amurka da su harbo tare da lalata duk wani jirgin ruwan Iran idan suka tursasa jiragenmu a teku," Trump ya sanar a cikin tweet.
A ranar 15 ga watan Afrilun da ya gabata ne, sashen yada labarai na rundunar sojojin ruwan Amurka ta Fifth Fleet, ya bayyana cewa, jiragen ruwan bindiga na dakarun kare juyin juya halin Musulunci na Iran (IRGC) sun gudanar da jerin gwano masu hatsari a kusa da wasu jiragen ruwan sojin Amurka da ke gabar tekun Farisa. Rahotanni sun ce, jiragen ruwan na Iran sun zo ne a cikin yadi 50 na jiragen yakin Amurka.
