Akalla mutane 15 ne suka mutu yayin da wasu 29 suka jikkata bayan daurin aure a birnin Abancay na kasar Peru ya kawo karshe cikin bala'i bayan rugujewar bangon wani otal da ke karbar baki 100.
Bikin da aka yi a Otal din Alhambra ya tara baki sama da dari, inda mutane kusan 50 ke kusa da bango lokacin da ya fado.
Kafafen yada labaran kasar sun ruwaito cewa, a halin yanzu ma’aikatan ceto na ci gaba da kwashe baraguzan ginin domin neman wadanda suka tsira.
An dai samu ruwan sama kamar da bakin kwarya a yankin a ‘yan kwanakin nan, inda hukumomi suka ce ta yiwu rugujewar katangar ta biyo bayan zaftarewar kasa.