Ma'aikatar harkokin wajen kasar ta tabbatar da cewa, wani babban hatsarin mota da ya afku a kasar Koriya ta Arewa, ya janyo asarar rayuka da dama, ciki har da 'yan yawon bude ido na kasar Sin.
Ma'aikatar harkokin wajen kasar Sin ta sanar da cewa, Koriya ta Arewa ta sanar da ofishin jakadancin kasar Sin da ke Koriya ta Arewa cewa, wani mummunan hatsarin mota ya afku a kan titin Huanghai na kasar Koriya ta Arewa da daddare, wanda ya yi sanadin jikkatar masu yawon bude ido na kasar Sin.
Har yanzu dai ma'aikatar ba ta bayyana adadin wadanda suka mutu da wadanda suka jikkata ba, amma ta yi nuni da cewa, nan take jami'an diflomasiyyar kasar Sin suka garzaya wurin da hadarin ya afku.